Sarrera

Gaian sakontzen hasi aurretik, lehenik eta behin, beharrezkoa ikusten dut jakitea zer den erlijioa eta zer motatako definizioak izan ahal duen

Erlijioa pertsona edo gizatalde baten sinesmen multzoa da, bereziki mundu espiritualarekin lotzen gaituena. Horrekin batera, erlijio hitza sarri erabiltzen da harreman horretatik sortzen diren kode etiko eta moralak edo erakunde-egiturak definitzeko.

 Erlijioa modu askotara defini daiteke:

1. Gizaki batek bere gainetik dagoen Jainko edo bestelako izaki baten onartzeko egiten duen egintza. Gehienetan izaki hori ohoratu eta goretsi egiten du, eta beragandik jasotako arauen arabera bizi ohi da.
2. Gizakiak bere gainetik dagoen izaki bati eskaintzen dion begirunezko, maitasunezko edo beldurrezko tratua, erritu jakin batzuen bidez egikaritzen dena.
3. Fede eta gurtza sistema zehatza.
4. Latinezko religare kontzeptuan sakonduz, gizakia Jainkoarekin edo munduarekin harremanetan jartzen duen erritu eta sinesmen multzoa.
5. Gizakiaren ahaleginez Jainkoarengana berriz gerturatzea.

Erlijioen eginkizunak asko dira kultura eta gizartearen arabera. Baina nagusiki bi multzotan bereiz daitezke: gizakiaren zalantza gorenei erantzuna ematea (unibertsoaren, biziaren, ongiaren, gaizkiaren, heriotzaren... sorrera eta arrazoiak aztertzea) eta gizarteko batasuna bultzatzea (erlijioak sarri gizarte barneko elkartasuna bultzatzeko balio izan du, Emile Durkheimek azaldu zuen bezala).

Hainbat erlijio mota daude:

       Erlijioen ohiko sailkapena honakoa da:

• Animista
• Dualista
• Monoteista
• Politeista

 Nik, blog honetan, erlijio monoteistan(Jainko bakarra) zentratuko naiz( kristautasuna), zehazki katolikoan, hau da, gure herrialdean dagoen erlijioan.